Arkitektja Dua Ramaxhiku diplomon në Berlin me temën “Kalaja e Mitrovicës”

Dua Ramaxhiku diplomon në Berlin me studim për Kalanë e Mitrovicës

Një sukses i ri nga Mitrovica vjen këtë herë nga fusha e arkitekturës. Dua Ramaxhiku, arkitekte e re dhe premtuese, ka përfunduar studimet e saj në Berlin, duke diplomuar me temën “Kështjella e Mitrovicës – Reagimet Arkitekturore ndaj Ngjarjeve Historike”, transmeton albinfo.ch.

Në punimin e saj, Dua ka trajtuar mënyrën se si ngjarjet historike ndikojnë në formësimin urban dhe arkitektonik të qytetit, duke marrë si rast studimi simbolin më të vjetër të Mitrovicës – Kalanë. Ky hulumtim i kombinuar me qasjen bashkëkohore e vendos punën e saj në një nivel të lartë akademik dhe profesional.

Dua Ramaxhiku është vajza e Dr. Ridvan dhe Dr. Qefsere Ramaxhikut, një familje me traditë në arsim e shkencë. Po ashtu, kujtojmë se motra e saj, Eda Ramaxhiku, diplomoi si mjeke në fillim të këtij viti, duke e bërë këtë familje një shembull të përkushtimit dhe suksesit në arsim. /Albinfo.ch

---