Mexhiti shpall fitoren në Çair: “Sonte fituan shqiptarët, një klasë politike u dërgua në pension

Kandidati i koalicionit VLEN për komunën e Çairit, Izet Mexhiti, shpalli fitoren në zgjedhje duke e cilësuar rezultatin si një fitore për të gjithë shqiptarët. Në një konferencë për media, ai gjithashtu i uroi fitoren Ali Ahmeti në komunën e Pllasnicës.

“Sot, me zemrën plot, dua të them me zë të lartë: fituan shqiptarët dhe një klasë politike u pensionua,” deklaroi Mexhiti. Ai theksoi se Çairi e mbrojti nderin e shqiptarëve dhe se kjo fitore është dëshmi e një ndryshimi të madh politik.

“Është fitore e një klase politike që erdhi për të sjellë ndryshim dhe po e sjell atë,” shtoi ai.

Mexhiti po ashtu i bëri thirrje kundërshtarit të tij politik, Ali Ahmetit, që të tërhiqet nga skena politike dhe të shkojë në pension.