Gjykata Komerciale e Kosovës pezullon vendimin e ZRrE-së për tregun e lirë të energjisë

KESCO

Gjykata Komerciale e Kosovës ka vendosur pezullimin e vendimit të Zyrës së Rregullatorit për Energji (ZRrE), i cili parashihte kalimin e bizneseve në tregun e lirë të energjisë elektrike. Vendimi u bë i njohur nga avokatja Blinera Osmani, e cila njoftoi se më 29 korrik 2025, gjykata nxori aktgjykimin KA.nr.301/25, duke anuluar disa pika të vendimit të ZRrE-së dhe pezulluar zbatimin e tyre deri në një vendim përfundimtar.

Kjo do të thotë se bizneset që ishin në proces të daljes në tregun e lirë do të kthehen përsëri në tregun universal, ku furnizimi me energji bëhet me tarifa të rregulluara dhe të garantuara, siç ishte para 1 qershorit 2025.

Avokatja Osmani bëri thirrje që ZRrE dhe operatorët e tjerë të respektojnë menjëherë këtë vendim gjyqësor.