Policia angazhon helikopterin në kërkim të shqiptarit të arratisur

Kërkimi në terrenin e pjerrët dhe të pyllëzuar u krye me ndihmën e Policisë Kantonale të Cyrihut. Janë angazhuar disa qen policie dhe një helikopter policie

Të premten pasdite, një kalimtare në zonën Lägern të Otelfingen-it, Kabtoni i Cyrihut, vuri re një burrë që mund të ketë qenë i burgosuri që ishte arratisur në Baden, Aargau, të enjten. Policia pastaj ka intensifikuar kërkimin për të, në zonë, por ende nuk e kishte kapur deri në paraditen e të shtunës. Fjala është për një shtetas 23 vjeçar shqiptar, transmeton albinfo.ch.

Këmbësorja e raportoi personin e dyshimtë në polici me telefon pak pas orës 14:00 të premten, siç njoftoi Policia Kantonale e Aargaut të shtunën, shkruan 20minuten.ch. Një kërkim njerëzish në shkallë të gjerë u nis në zonën e Otelfingen-it.

Kërkimi në terrenin e pjerrët dhe të pyllëzuar u krye me ndihmën e Policisë Kantonale të Cyrihut. Janë angazhuar disa qen policie dhe një helikopter policie. I burgosuri nuk mundi të kapej deri në muzg, përcjell albinfo.ch. Kërkimi ka vazhduar.

I burgosuri që iku në Baden të enjten ishte një shqiptar 23-vjeçar. Ai iku pak para orës 9 të mëngjesit të enjten ndërsa hipte në një automjet për të burgosur.

Policia kërkon nga popullata të raportojë menjëherë çdo person ose vëzhgim të dyshimtë në numrin e urgjencës së policisë 117. Policia e përshkruan të arratisurin si më poshtë: Burrë 23-vjeçar, me mjekër, pantallona të zeza, xhaketë të zezë me mëngë të bardha me motive, këpucë të bardha. Ndoshta ende mban pranga, të cilat po përpiqet t’i fshehë.

---