BE-ja do të financojë 4,6 miliardë euro për të nxitur inovacionet klimatike

unsplash

Komisioni Evropian njoftoi se do të financojë 4,6 miliardë euro (4,8 miliardë dollarë) për të promovuar të ashtuquajturën teknologji zero-neto, prodhimin e baterive të automjeteve elektrike dhe hidrogjenin e rinovueshëm.

Rreth 3,4 miliardë euro nga totali do të përdoren për të promovuar adoptimin e teknologjive të dekarbonizimit në Evropë, duke përfshirë bateritë për automjetet elektrike.

Pjesa e mbetur prej 1.2 miliardë euro janë të destinuara për prodhimin e hidrogjenit të rinovueshëm.

“Komisioni po demonstron përkushtimin e tij për arritjen e objektivave të tij të dekarbonizimit dhe mbështetjen e konkurrencës së industrive evropiane në sektorët kryesorë strategjikë”, theksoi zëvendëspresidentja e Komisionit Evropian, Teresa Ribera Rodriguez.

Njoftimi tregon përkushtimin e BE-së për të ndjekur neutralitetin klimatik deri në vitin 2050, duke promovuar industritë inovative në Evropë, tha Komisioni në një njoftim për shtyp.