Zjarr në qendrën e azilit

Në Tröglitz të landit gjerman Sachsen-Anhalt i është vënë zjarri mbrëmë një shtëpie të azilit. Policia ka nisur hetimet me dyshimin se zjarrvënia ka qenë e qëllimshme. Ky qytet ishte bërë i njohur në gjithë Gjermaninë kur  kryetari i nderit i Tröglitz-it Markus Nierth ishte detyruar të jepte dorëheqje pasi që ekstremistët kundër të huajve kishin zgjedhur të  protestonin para shtëpisë së tij.

Zjarri në shtëpinë për strehimin e azilkërkuesve po vihet në lidhje me një protestë të mbajtur nga partia ekstremiste NPD, kundër vendosjes së 40 azilantëve në qytetin e tyre. Ata do të vendoseshin aty nga fillimi i muajit maj.

Siç ka njoftuar policia në Halle, dy nga banorët e shtëpisë kanë shpëtuar pa lëndime dhe janë sjellë në siguri. Nga zjarri është shkatërruar i gjithë kulmi. Vlerësohet se dëmi i shkaktuar sillet në nivelin gjashtëshifror.