Osmani pret sot në një takim ministrin hungarez

Presidentja Osmani pret sot në një takim ministrin hungarez që po viziton Kosovën

Ministri për Çështje të Bashkimit Evropian të Hungarisë, Janos Boka, po qëndron për vizitë në Kosovë.

Ai sot do të pritet në një takim nga presidentja e vendit, Vjosa Osmani.

Takimi pritet të zhvillohet në orën 10:45.

Ministri hungarez gjatë qëndrimit në Kosovës, të hënën është pritur në një takim edhe nga zëvendëskryeministri për Integrim Evropian, Zhvillim dhe Dialog i Republikës së Kosovës, Besnik Bislimi.

Edhe Boka ka shkruar në platformën X se me Besnik Bislimi ka diskutuar veprimet që duhen ndërmarrë për ta sjellë Kosovën një hap më afër Bashkimit Evropian.

“Presidenca hungareze po punon për një politikë zgjerimi të bazuar në merita, të balancuar dhe të besueshme. Këtë e theksova gjatë bisedave të mia në Prishtinë”, ka shkruar ai në X.

Ministri për Çështje të Bashkimit Evropian të Hungarisë, Janos Boka, do të ketë një takim edhe me aktorë të tjerë politikë e shoqërorë në Kosovës.

---