Viti 2014, me numrin më të vogël të vrasjeve në histori

Në vitin 1990 kishin ndodhur 110 vrasje, pothuaj trefish më shumë se në në vitin 2014 (41 sish)

Asnjëherë prejse mbahet regjistri  i vrasjeve në Zvicër nuk ka pasur më pak vrasje se në vitin 2014. Siç tregojnë statistikat e policisë, gjatë vitit të kaluar 41 persona kanë rënë viktimë e vrasjeve. Se cili është dallimi i këtij viti me një vit tjetër, kur ka pasur më shumë vrasje dëshmon ky fakt: Në vitin 1990 kishin  ndodhur 110 vrasje, pothuaj trefish më shumë se në në vitin 2014 (41 sish).

Ndërsa edhe në krahasim me vitin 2013, numri i vrasjeve ka shënuar një rënie të madhe, gjegjësisht 29 për qind!

23 vrasje ose më shumë se gjysma e tyre të ndodhura gjatë vitit 2014,  janë kryer  brenda mureve të shtëpive, bën të ditur srf.ch. Po ashtu rënie të madhe ka pësuar numri i vrasjeve të kryera me armë zjarri. Nga 46 sa ishte një vit më parë, ky numër ka rënë në 18.

Vitin e kaluar ka pasur rënie edhe të të gjitha veprave penale, marrë në përgjithësi. 8.5 për qind më pak delikte janë kryer në vitin 2014 në krahasim me vitin 2013. 70 për qind e të gjitha veprave kanë qenë delikte të pasurisë.