10 milionë franga për shefin, përkundër humbjeve 2.8 mlrd.

Përkundër faktit se nën drejtimin e tij banka e dytë më e madhe e Zvicrës Credit Suisse është detyruar t`i paguajë SHBA-së gjobë miliardësh, Brady Dougan ka marrë pagë të njëjtë me atë të një viti më parë.

Shefi në dorëheqje i kësaj banke, amerikani Dougan në emrin e të ardhurave dhe bonusit, në vitin 2014 ka inkasuar plot 9.7 milionë franga, bëhet e ditur në raportin e afarizmit të bankës, të publikuar te premten.

Si pasojë e aferave me evazion fiskal (bishtnim të taksave), banka Credit Suisse në muajin maj të vitit të kaluar është detyruar të paguajë në SHBA një gjobë prej 2.8 miliardë dollarësh. Ajo është gjetur fajtore për ndihmesë të dhënë në evitimin e pagesës së taksave. Si përfundim, menaxhmenti i lartë i bankës qe treguar i gatshëm për një shkurtim vullnetar të pagave të veta.

Javën e kaluar në vendin e tashmë ish shefit Dougan është emëruar një trashëgimtar i tij me shtetësi të Bregut të Fildishtë. Ai do ta marrë drejtimin e bankës nga muaji qershor