Spanjë, shkon në 205 numri i të vdekurve

Keystone (AP Photo/Alberto Saiz)

Spanja po përballet me tragjedinë më të madhe të përmbytjeve, nga shirat e rrëmbyeshëm kryesisht në rajonin lindor të Valencias.

Numri i vdekjeve pas përmbytjeve në komunitetin e Valencias është rritur në 202, sipas Qendrës së Koordinimit të Integruar Operacional të Ministrisë së Brendshme (CECOPI).

“Procesi i mbledhjes dhe identifikimit të viktimave vazhdon”, thuhet në një postim në X, përcjell albinfo.ch.

Kjo e çon numrin e të vdekurve në Spanjë në të paktën 205. Dy persona të tjerë humbën jetën në rajonin Castilla La Mancha dhe një tjetër në Andaluzi.

Ndërkohë, ekipet e shpëtimit dhe vullnetarët janë vazhdimisht në kërkim të ndonjë të mbijetuari, por me kalimin e orëve, shpresat po shuhen. Në të njëjtën kohë, autoritetet spanjolle deklarojnë se presin një rritje të numrit të të vdekurve, pasi shumë vlerësohet kanë hasur në një vdekje tragjike brenda makinave dhe ndërtesave.