Stufat me gaz shkaktojnë vdekjen e më shumë se 40,000 njerëzve në Evropë çdo vit

(KEYSTONE/Christian Beutler)

Rreth 40,000 evropianë vdesin çdo vit për shkak të ndotjes që emetohet nga sobat e gazit. Gazet e dëmshme nga sobat me gaz janë të lidhura me sëmundjet e zemrës dhe mushkërive, sipas një studimi të kryer në Mbretërinë e Bashkuar dhe BE.

Ekspertët paralajmërojnë se publiku nuk është mjaftueshëm i vetëdijshëm për rreziqet. Mesatarisht, përdorimi i sobave me gaz shkurton jetën e njerëzve që i përdorin me gati dy vjet. Sipas tyre, 36,031 vdekje të parakohshme çdo vit janë nga sobat e gazit në BE dhe pothuajse 4,000 në Mbretërinë e Bashkuar.

Studimi mori parasysh vetëm efektet e dioksidit të azotit, jo gazeve të tjera si monoksidi i karbonit dhe benzeni. Stufat me gaz lëshojnë substanca të dëmshme që çojnë në procese inflamatore në traktin respirator.

Çdo e treta familje në BE përdor gaz, dhe në Britaninë e Madhe 54 për qind. Përqindja është edhe më e lartë në disa anëtarë të BE-së, si Italia, Holanda, Rumania dhe Hungaria – mbi 60 për qind.

BE-ja ka shtrënguar rregullat për cilësinë e ajrit të jashtëm, por nuk ka vendosur standarde për cilësinë e ajrit të brendshëm. BE-ja po kërkon gjithashtu të heqë gradualisht sobat me gaz dhe t’u ofrojë njerëzve para për ta bërë më të lehtë kalimin në një opsion më të shëndetshëm.