Zbulohen detaje se si do të mbyllen Lojërat Olimpike në Paris

(KEYSTONE/Laurent Gillieron)

Më 11 gusht mbyllet Olimpiada e Lojërave Olimpike në Paris, ndërsa yjet do të performojnë për dy orë në këtë ceremoni.

Ngjarja përmbyllëse, është vendosur të titullohet “Records” dhe do të zhvillohet në Stade de France.

Sipas disa burimeve dhe raporteve të publikuara nga gazeta franceze Le Parisien, Thomas Jolly është duke përgatitur shfaqjen përmbyllëse, me performanca të përfolura nga dy grupe të njohura franceze: fituesit e Grammy-t Phoenix dhe dyshja elektronike AIR, të cilët kanë qenë në turne këtë vit.

Yje të tjerë që përflitet se do të shfaqen janë Snoop Dogg dhe spekulimet janë se në këtë ceremoni, e pranishme do të jetë dhe Taylor Swift,

Yje të tjerë që janë parë në Paris janë regjisorja e Barbie, Greta Gerëig, Michelle Yeoh, Ryan Gosling dhe Eva Mendes.

Gjithashtu është konfirmuar se Tom Cruise do të shfaqet gjatë ceremonisë së mbylljes.

Komiteti Francez i Lojërave Olimpike nuk ka dhënë detaje të hollësishme për ngjarjen megjithatë kanë zbuluar se Stade de France do të shndërrohet në një sallë gjigante koncertesh, me qindra interpretues, kërcimtarë dhe artistë cirku.

Ceremonia e mbylljes së Lojërave Olimpike të Parisit do të zhvillohet nga ora 21:00 deri në orën 23:15