Ish-presidentja e Zvicrës Calmy Rey i bashkohet festës së Kosovës në 25 vjetorin e çlirimit

Ish-presidentja e Zvicrës, Micheline Calmy-Rey po qëndron në Kosovë në 25 vjetorin e çlirimit. Në pritjen shtetërore të organizuar nga krerët e shtetit, Calmy-Rey, tha se Kosova është shtet i ri, ndërsa marrëdhëniet me Serbinë, sipas saj, nuk janë gjithmonë të lehta për mos të thënë të vështira, transmeton albinfo.ch.

“…Kosova ka nevojë për më shumë njohje nga shtete të tjera për t’u anëtarësuar në shumë organizata, siç është Këshilli Evropian, NATO-ja por edhe Bashkimi Evropian”, tha ajo.

Sipas Calmy-Rey, stagnimi më i madh i Kosovës janë tensionet në veri, çështje shumë e ndjeshme sepse Serbia, siç tha ajo, ka intervenuar në veri të Kosovës dhe kjo sfidë determinon investimin e gjithë komunitetit ndërkombëtar, por edhe të autoriteteve dhe qytetarëve që jetojnë në Kosovë.