Kosova

Kosova e Shqipëria kryesojnë në Ballkan për numrin e lartë të azilkërkuesve

E martë, 28 Maj 2024 - 11:45 albinfo.ch

(KEYSTONE/Alexandra Wey)

Sipas statistikave, shtetasit nga Shqipëria dhe Kosova kryesojnë në listën e aplikuesve nga Ballkani Perëndimor për azil në një vend të Bashkimit Evropian, për tre muajt e parë të vitit 2024, përcjell albinfo.ch.

Sipas raportit të fundit të Agjencisë së Bashkimit Evropian për Azilin (EUAA), numri i aplikuesve nga këto dy vende është tejet i lartë krahasuar me vendet e tjera fqinje, si Maqedonia e Veriut, Serbia, Bosnjë e Hercegovina dhe Mali i Zi.

Sipas raportit të EUAA-s, në muajin mars nga shtetasit shqiptarë u paraqitën në vendet e Bashkimit Evropian 624 aplikime për azil, ndërsa nga shtetasit e Kosovës 513, nga Maqedonia e Veriut 340, nga Serbia 272, Bosnja 109 dhe Mali i Zi 37.