Kosovë: Tentuan të fusnin në qarkullim 85 mijë euro false nga 2 euro, paraburgim për 6 të dyshuar

Një ditë më parë u raportua për arrestimin e 6 personave të cilët tentuan të fusnin 85 mijë euro false nga 2 euro në Kosovë

Ndërsa sot, Gjykata Themelore në Prishtinë ka mbajtur seancën dëgjimore, duke vendosur lidhur me kërkesën e Prokurorisë Speciale të Republikës së Kosovës për caktimin e masës së paraburgimit, në çështjen penale kundër të pandehurve B.A, SH.A dhe A.A, që të tre nga Shkupi, Republika e Maqedonisë së Veriut si dhe S.R, M.K dhe H.D, që të tre nga fshati Paldenicë, Komuna e Hanit të Elezit, për shkak të veprave penale Blerja, pranimi ose fshehja e sendeve të përfituara me kryerjen e veprës penale, Falsifikimi i parasë dhe Shpërlarja e parave, nga neni 302 i Kodit Penal të Republikës së Kosovës.