Kurti: Ka hetime të mjaftueshme në Banjskë që t’i vendosen sanksione Serbisë

Kryeministri i Kosovës, Albin Kurti, ka deklaruar se koha prej dy muajsh prej kur ndodhi sulmi terrorist në Banjskë të Zveçanit është e mjaftueshme që të ketë hetim të hollësishëm dhe t’i vendosen sanksione Serbisë, përcjell albinfo.ch.

I pyetur për këtë çështje, Kurti tha se ‘nuk mund ta durojmë çfarëdo përsëritje që i ngjan asaj të 24 shtatorit, për këtë arsye duhet të veprojmë tash e jo nesër’.

“Është e domosdoshme që dy muaj pas sulmit në Bansjkë të Zveçanit, ku u vra rreshteri është kohë më së e mjaftueshme që të kemi hetim të hollësishëm dhe konkluzione për këtë akt që cenoi sonvranitetin dhe sigurinë tonë kombëtare. Nuk mund ta durojmë çfarëdo përsëritje që i ngjan asaj të 24 shtatorit për këtë arsye duhet të veprojmë tash e jo nesër”, tha Kurti.

Ai ka shtuar se Kosova nuk ka nevojë më për episod të dhunës nga Serbia, prandaj edhe “për të mos ndodhur kjo është e rëndësishme edhe konkluzionet e hetimeve të Bashkimit Evropian, KFOR, EULEX, SHBA, në njërën anë por edhe sanksionet për Serbinë anën tjetër”.

“Sepse masat dhe sanksionet e Serbisë ne nuk i duam që të ketë dënim me ndëshkim por para se gjithash mos të ketë përsëritje nuk mund ta tolerojmë as durojmë çfarëdo përsëritje që i ngjan asaj të 24 shtatorit si sulm terrorist e kriminal dhe për këtë duhet të veprohet tash e jo nesër . Me këtë rast unë i bëj thirrje faktorëve ndërkombëtarë që ta shtrojmë çështjen me pyetjen kanë kaluar 2 muaj sepse pasnesër behën 9 muaj prej se në Bruksel jemi dakorduar për marrëveshjen bazike dhe gjatë këtyre muajve Serbia i ka shkelur së paku 8 nga 11 nenet e marrëveshjes bazike dhe në këto kushte ne konsiderojmë që aq më tepër nënshkrimi i saj është i domosdoshëm sepse nënshkrimi është ai që anulon shkeljet dhe garanton pranim dhe zbatim të qëndrueshëm”.

Kurti ka deklaruar se i përket ndërmjetësuesve ta bëjnë publik draftstatutin për Asociacionin.

“Po bëhen 9 muaj që jeni dakorduar në Bruksel dhe gjatë këtyre 9 muajve, Serbia ka shkel marrëveshjet dhe draft-statutin duhet bërë publik nga ndërkombëtarët, unë jam i gatshëm që të publikohet draft-statuti, Serbia nuk është e interesuar për normalizim dhe ajo e ka Asociacionin për serbët e Kosovës”, shkroi

Ai ka thënë se mundësitë janë të kufizuara për ndikim në vendimin e Gjykatës Speciale pas vendimit që të akuzuarve Hashim Thaçit, Kadri Veselit dhe Rexhep Selimit t’i pezullohet përkohësisht çdo komunikim.

Megjithatë, Kurti në një prononcim për media tha se bashkë me kryetarin e Kuvendit, Glauk Konjufca, janë duke diskutuar e menduar se si mund të ndihmojnë në këtë që e quajti zhvillim negativ.

Ndërsa shtoi se më mes të dhjetorit bëhen 8 vjet prej Serbia nuk ka bërë përparim nën kapitullin 35 që dëshmon dëshirën për normalizim.