Osmani para Këshillit të Sigurimit: Serbia e synoi Krimenë, por dështoi

Presidentja e Kosovës, Vjosa Osmani, i është drejtuar me një fjalim mbledhjes së Këshillit të Sigurimit të OKB-së.

Ajo mes tjerash ka përmendur vrasjen e oficerit të Policisë së Kosovës, Afrim Bunjaku, më 24 shtator, nga grupi i serbëve që kryen agresion në Banjskë të Zveçanit.

Ajo tha se Serbia ka pasur si skenar Krimenë, por që nuk ia ka arritur qëllimit.“U zu në befasi për shkak të përkushtimit të policisë së Kosovës. Në ditën e sulmit institucionet e Kosovës kanë mbajtur kontakte me praninë ndërkombëtare, ashtu siç ka qenë historikisht. Do të vazhdojmë të bashkëpunojmë me aleatët tanë që t’u kundërvihemi akteve të tilla dhe që t’i parandalojmë që ato të mos ndodhin më”, theksoi Osmani.