Flet babai i 18-vjeçarit që vdiq në aksidentin në Zvicër

Pas aksidentit të rëndë trafiku, ku humbën jetën dy 18-vjeçarë në Schwagalp natën e 16 shtatorit, babai i njërit prej viktimave flet për mediat.

“Rreth orës 22:30 [atë të premte në mbrëmje] djali im tha se donte të dilte me miqtë dhe më pas pyeti nëse mund të merrte makinën time. E lejova ta bënte”, tha ai për Blick. Përpara se 18-vjeçari të largohej, ai e përqafoi fort të atin dhe i tha se nuk do ta linte kurrë vetëm.

“Tani duket sikur ai tashmë e kishte një parandjenjë”, shprehet i ati, përcjell albinfo.ch.

Ai udhëtoi nga shtëpia e tij në Flawil për në Gossau me Mercedesin e babait të tij dhe e la makinën atje. Vazhduan me një Golf që, sipas të atit, i përkiste viktimës së dytë.

“Kur u ngrita të shtunën në mëngjes, pashë që dera e dhomës së tij ishte e hapur dhe ai nuk ishte ende në shtëpi”, vazhdon tutje babai i 18-vjeçarit.

Ai e kishte telefonuar në vazhdimësi të birin.

52-vjeçari u dërgua direkt në vendin e aksidentit nga tipari i vendndodhjes, ku pa nga larg zjarrfikësit dhe dritat. “E dija atëherë se diçka e keqe kishte ndodhur”, vazhdon tutje, e kështu i njoftohet që djali i tij 18-vjeçar ishte një nga dy viktimat e aksidentit.

“Ai ishte një djalë i ri, inteligjent dhe i vendosur, gjithmonë shkonte mirë me të gjithë. Tani familja e tij duhet t’i thotë lamtumirën: Dy ditët e fundit familja kemi marrë vizita nga 500 persona që kanë dashur t’i bëjnë nderimet e tyre 18-vjeçarit. Të mërkurën do të shkojmë në Kosovë për varrimin e djalit dhe me të do të udhëtojnë edhe shumë miq”, shprehet tutje i ati.

Simpatia e madhe tregon se sa shumë respektohet dhe dashurohet djali i tij. Përveç miqve të 18-vjeçarit, mirënjohës ndaj urgjencës është edhe babai Sabit K.: “Në momentin tim më të errët, ata arritën të më qetësojnë. Këtë nuk do ta harroj kurrë”.

18-vjeçari ishte një nxënës në administratën e qytetit të Gossau SG.

“Ky aksident tragjik ka shkaktuar trishtim dhe hutim tek punonjësit”, tha punëdhënësi i pyetur nga 20 Minutes. Për ngjarjen kolegët u njoftuan të dielën në mbrëmje përmes një emaili nga kryetari i komunës.

Sipas punëdhënësit, të nesërmen punonjësit janë mbledhur në hyrje për të mbajtur një minutë heshtje për 18-vjeçarin e ndjerë. Është krijuar edhe një libër ngushëllimi, në të cilin punonjësit dhe miqtë mund të shkruajnë mendimet e tyre, përcjell albinfo.ch.