Zvicër: Inflacioni i shtyn punonjësit të kërkojnë paga më të larta

(KEYSTONE/Christian Beutler)

Më shumë se gjysma (54 për qind) e punëkërkuesve në Zvicër konsiderojnë të marrin dy punë për të mbajtur në hap me inflacionin, përcjell albinfo.ch.

Kjo është ajo që del nga një studim i ri i agjencisë së rekrutimit Michael Page.

Sondazhi zbuloi gjithashtu se 66 për qind e të anketuarve kanë më shumë gjasa të ndërrojnë punën për të marrë paga më të larta.

Ai tregoi gjithashtu se 63 për qind nuk prisnin që pagat e tyre aktuale të mbulonin inflacionin gjatë 12 muajve të ardhshëm dhe 40 për qind kishin intensifikuar kërkimet e tyre për punë si rezultat i presioneve inflacioniste.

Krahasuar me vendet fqinje, disa nga punëkërkuesit zviceranë kshin më pak të ngjarë të merrnin paga më të larta për të mbuluar inflacionin. Vetëm 24 për qind morën një rritje pagash gjatë dy vjetëve të fundit për të kompensuar inflacionin, ndërsa ky raport është 35 për qind në Francë dhe 27 për qind në Gjermani, tregon studimi.