Lajme

30 km/orë: Qytetarët e Gjenevës nuk janë të bindur

E martë, 5 Shtator 2023 - 17:30 albinfo.ch

(KEYSTONE/Martial Trezzini)

Një plan i Gjenevës për të vendosur një kufi shpejtësie prej 30 km/orë në qindra rrugë, në përpjekje për të ulur zhurmën, mund të rrëzohet nga shumica e krahut të djathtë në qeverinë e sapozgjedhur.

Plani tashmë po pengohej nga sfidat ligjore dhe nuk ishte zbatuar plotësisht, shkruajnë mediat zvicerane, përcjell albinfo.ch.

Lëvizja Qytetare e Gjenevës dhe Partia Popullore Zvicerane thonë se kufizimet do të krijojnë bllokime trafiku.

Mbështetësit e planit thonë se kufiri është thelbësor për shëndetin dhe sigurinë dhe kantoni ka një detyrim të reduktojë zhurmën në rrugë për shkak të rregulloreve federale.