Breshri dëmton ndërtesën, Losone shtyn fillimin e shkollës

Keystone

Drejtoresha e shkollës së mesme në Losone, Loris Donetta, u ka shkruar të gjitha familjeve të fëmijëve se fillimi i shkollës, i planifikuar për të hënën, duhet të shtyhet, siç raporton “Corriere del Ticino”, shkruan albinfo.ch.

Sipas njoftimit, ndërtesa është dëmtuar shumë nga breshri për të mirëpritur nxënësit e shkollës.

Pas temperaturave të larta në Zvicër, stuhi të forta goditën vendin të enjten dhe të premten, teksa sipas meteorologëve, stuhitë do të pasohen me reshje të vazhdueshme të dendura shiu të dielën dhe të hënën.

Ndryshe, në Ticino pati stuhi me breshër të fortë mbrëmjen e së premtes. Breshri kishte një diametër deri në 4 centimetra, ndërsa rajoni rreth Lokarnos u prek veçanërisht.