Dy zviceranë akuzohen për vendosjen e eksplozivëve

Qëllimi: frikësimi i të pasurve

Zyra e Prokurorit të Përgjithshëm të Zvicrës ka akuzuar dy zviceranë për kryerjen e një sulmi me bombë në Bazel vitin e kaluar, ndërsa dyshohet se ata gjithashtu u përpoqën të blinin eksploziv në Shtutgart, Gjermani.

Qëllimi i të akuzuarëve, të moshës 25 dhe 27 vjeç, ishte të frikësonin njerëzit e pasur, thanë nga kjo zyrë, për agjencinë e lajmeve Keystone-SDA, pa dhënë detaje të mëtejshme, përcjell albinfo.ch.

Sipas njoftimit, askush nuk u lëndua nga shpërthimi, por dëmi material arriti në 170,000 CHF, ndërsa dy të dyshuarit, nga kantonet Basel City dhe Basel Country, fillimisht kryen një sulm shpërthyes në një ndërtesë në rrethin Bruderholz të Bazelit më 30 mars 2022. Më pas ata udhëtuan për në Shtutgart më 20 qershor 2022 për të blerë katër pako, 500 gramë me eksploziv plastik për 2000 euro, por u kapën nga policia gjermane.

Një informatë e vuri në gjurmë policinë, më pas ata gjurmuan një burrë në DarkNet, i cili tha se donte të blinte eksploziv. Dy burrave u është caktuar masa e paraburgimit dhe janë ekstraduar në Zvicër me kërkesë të ZAP.

---