Lajme
Bie çmimi i naftës në berzën ndërkombëtare
Çmimet e naftës u ulën, pas një rritjeje të zgjatur, por ruajtën mbështetjen nga premtimet e prodhuesve kryesorë, Arabia Saudite dhe Rusia, për të zgjatur shkurtimet e furnizimit deri në shtator.
Të dy standardet globale shënuan rritjet e gjashta javore radhazi, javën e kaluar.
Të hënën, kontratat futures të naftës Brent, ranë me 63 cent në 85,61 dollarë për fuçi, ndërsa nafta e papërpunuar e West Texas Intermediate të SHBA-së, ishte në 82,17 dollarë për fuçi, duke rënë 65 cent.
Duke pasur parasysh zgjatjen vullnetare të shkurtimeve të furnizimit, skenari bazë është se ne do të shohim një deficit në treg, i cili do të vazhdojë të rrisë çmimet e naftës.
Eksportuesi më i madh në botë, Arabia Saudite, zgjati uljen vullnetare të prodhimit prej 1 milion fuçi në ditë (bpd) deri në fund të shtatorit dhe tha se mund të ketë më shumë.
Në përputhje me shkurtimet e prodhimit, Saudi Aramco ngriti të shtunën çmimet zyrtare të shitjes, për shumicën e llojeve, që shet në Azi, për herë të tretë në shtator.
Rusia shtoi ngushtësinë e furnizimit me njoftimin e saj, se do të shkurtojë eksportet e naftës me 300,000 fuçi në ditë në shtator.
Duke pasur parasysh këto shkurtime shtesë dhe vlerësime të shterimit në inventarët e naftës në muajt e ardhshëm, analisti i PVM, Tamas Varga tha se “sfondi themelor bëhet jashtëzakonisht inkurajues”.
Ai shtoi se sfondi themelor makroekonomik global, ishte gjithashtu pozitiv, pavarësisht uljes së vlerësimit të SHBA javën e kaluar.
Të dhënat ekonomike kineze këtë javë, megjithatë, do të jenë në fokus, pasi tregu kërkon të vlerësojë ‘oreksin’ e Pekinit, për më shumë masa stimuluese për të mbështetur ekonominë e vendit.
Investitorët do të monitorojnë gjithashtu leximin e çmimeve të konsumit në SHBA të enjten, që mund të ofrojë të dhëna mbi politikën monetare të Rezervës Federale, pasi një raport i punësimit ringjalli frikën, se banka qendrore mund t’i mbajë normat më të larta për më gjatë.
Më vete, rreziqet për furnizimin, mund të rriten pasi tensionet Rusi-Ukrainë rriten në portet e Detit të Zi.
Javën e kaluar, një luftanije ruse u dëmtua rëndë, në një sulm me dron i marinës ukrainase, në bazën detare ruse në Novorossiysk. Porti trajton 2% të furnizimit të naftës në botë, por ka rifilluar punën. / CNBC
E-Diaspora
-
Gjon’s Tears në intervistë për median zvicerane, flet për Kosovën Pas paraqitjeve të dukshme në televizion, Gjon’s Tears nga Fribourg publikoi albumin e parë në mars....
-
Bizneset nga diaspora vizitojnë “Shtëpinë e Kosovës”
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
Jeta në Austri
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë? Jo vetëm ata që kanë lindur me pasaportë austriake duhet të kryejnë shërbimin ushtarak. Nëse jeni...
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj