Deri në 36 gradë në fundjavë në Zvicër – pastaj priten stuhi të fuqishme

Nga e marta nuk mund të përjashtohen as shpërthimet lokale të uraganit, paralajmëron SRF Meteo

Stuhi të forta tashmë kemi parë në të gjithë Zvicrën gjatë javës. Moti në fundjavë do të jetë sërish i nxehtë rreth 32 gradë, por priten edhe stuhi dhe bubullima, transmeton albinfo.ch.

Të shtunën, nesër, më 15 korrik, do të jetë shumë nxehtë. Termometri pastaj pritet të ngjitet në mbi 33 gradë ndërsa në luginat alpine mund të ketë sërish deri në 36 gradë me frymë, njofton SRF Meteo.

Gjatë ditës së shtunë do të krijohen shtrëngata të para në male dhe në jug të vendit.

Të dielën mbrëma do të ngrihet një front i ftohtë rrymash ajrore, i cili mund të sjellë stuhi të forta nga perëndimi në lindje dhe veçanërisht në veri të Alpeve. Pastaj, të martën, mund të ketë sërish erëra të fuqishme.

Nuk mund të përjashtohen as shpërthimet lokale të uraganit, vazhdon  SRF Meteo.

---