Gjenevë: Juliana, një emër suksesi në kompaninë e njohur zvicerane

Ajo ka përfunduar studimet Master në të Drejtën Europiane dhe Ndërkombëtare, pranë Fakultetit të Drejtësisë, në Universitetin e Gjenevës.

Juristja shqiptare, Juliana Cici, prej vitesh jeton dhe punon në Gjenevë, përcjell albinfo.ch.

Ajo ka përfunduar studimet në Fakultetin e Drejtësisë në Tiranë, ndërsa Masterin në të Drejtën Europiane dhe Ndërkombëtare pranë Fakultetit të Drejtësisë, në Universitetin e Gjenevës.

Vlen të theksohet se Cici aktualisht punon si konsulente ligjore pranë Kompanisë Ndërkombëtare Business Cost Management (BCM), me seli në Gjenevë. Një kompani lider prej 30 vjetësh në menaxhim risku dhe rritjen e të ardhurave; prokurime dhe konsulenca ligjore me një prezencë në tri kontinente.

---