Gjermani: Disa njerëz po mbahen peng në një farmaci në Karlsruhes

Twitter: Air.Pro

Policia e qytetit Karlsruhe, në jugperëndim të Gjermanisë bëjnë me dije se janë duke trajtuar një operacion të gjerë në një situatë pengmarrjeje.

Gazeta gjermane Bild shkruan se operacioni ka filluar që nga ora 16:30 kur policia ka marrë informacionin. Autoritetet kanë njoftuar se personat e marrë peng nuk janë lënduar. Numri i saktë i pengjeve e as të dyshuarve nuk është bërë i ditur. Më herët, policia kishte bërë të ditur se ka arritur të kontaktojë një person të dyshuar.

Stuttgarter Zeitung raporton se është një i dyshuar që kërkon një milion euro shpërblim për të liruar pengjet.  Tutje sipas mediumit banorët thonë se kanë dëgjuar të shtëna. Forcat e policisë kanë rrethuar zonën. Një shkollë po ashtu është hapur për të akomoduar personat që nuk mund të kalojnë rrugën për të shkuar në shtëpi dhe çdo organizim i paraparë është ndërprerë.