Një i vdekur e 24 të lënduar nga aksidenti i autobusit në Serbi

Siç raportojnë mediat serbe, aksidenti ka ndodhur rreth orës 05:25, kur një autobus i mbushur me pasagjerë që ktheheshin nga pushimet në Greqi është përmbysur në qytetin e Peçenevcës.

Një autobus është përmbysur në magjistralen Leskovc-Nish, ku për pasojë një person ka mbetur i vdekur, ndërsa janë lënduar 24 të tjerë.

Siç raportojnë mediat serbe, aksidenti ka ndodhur rreth orës 05:25, kur një autobus i mbushur me pasagjerë që ktheheshin nga pushimet në Greqi është përmbysur në qytetin e Peçenevcës.

Raportohet se drejtuesi i autobusit ka ndërruar jetë, ndërsa 24 persona kanë mbetur të lënduar.

Një nga pasagjerët e plagosur është një djalë 13-vjeçar, i cili u shtrua në spital me stomak të mavijosur. Gjithashtu, një i moshuar 69-vjeçar ka pësuar frakturë të hapur të krahut dhe frakturë në brinjë. Operacioni është në zhvillim e sipër.

Në Qendrën Emergjente në Nish ndodhen shtatë persona dhe dy fëmijë.

Më pas 15 të lënduar janë transportuar dhe trajtuar në Spitalin e Përgjithshëm në Leskovc./Albinfo.ch

---