Lajme
Tre të vdekur pas përmbysjes së furgonit kontrabandist në Austri
Aksidenti ndodhi në Burgenland në një pikë kufitare midis Austrisë dhe Sllovakisë, tha në një deklaratë, ministri i Brendshëm i Austrisë
“Vdekja tragjike e tre personave sot në pikën kufitare Kittsee/Jarovce tregon edhe një herë brutalitetin dhe paskrupulltizmin e mafies së kontrabandës”, tha në deklaratë ministri i Brendshëm Gerhard Karner, transmeton albinfo.at
Furgoni ishte i mbushur me rreth 20 persona, duke përfshirë fëmijë, kur u përmbys ndërsa shoferi kërkonte t’i shpëtonte kontrollit të policisë në kufi.
Dy burra dhe një grua vdiqën,tha APA, ndërsa disa të tjerë janë të plagosur rëndë.
Në anën tjetër sipas krone.at, autopsia e të vdekurve është caktuar për të martën e ardhshme. Tashmë asnjë nga të plagosurit nuk është në rrezik për jetën. Kontrabandisti është shtetas rus me leje qëndrimi francez. Ai u arrestua.
Ministria e Brendshme e Austrisë njoftoi në maj se policia kishte shkatërruar një grup që besohej se kishte kontrabanduar dhjetëra mijëra njerëz, kryesisht sirianë, nga Hungaria në Austri, përcjell tutje albinfo.at
Dy nga ata të transportuar ilegalisht përtej kufirit u gjetën të mbytur në një furgon vitin e kaluar. Kjo kujton një incident të zymtë në vitin 2015, kur 71 persona nga Siria, Iraku dhe Afganistani u mbytën në pjesën e pasme të një furgoni të mbyllur, ku ishin fshehur nga kontrabandistët.
Trupat, duke përfshirë ato të tre fëmijëve dhe një foshnje, u zbuluan në Austri, por ata kishin vdekur ndërsa ishin ende në anën tjetër të kufirit me Hungarinë.
Të tjera nga Lajme
E-Diaspora
-
Sot shfaqet në Cyrih filmi “The Land within”, i regjisorit Fisnik Maxville Filmi shfaqet në kuadrin e festivalit të filmit "Kino Kosova" që po mbahet në kinemanë RiffRaff...
-
“Kino Kosova”: Një realitet filmik i shikuar nga perspektiva femërore
-
Krasniqi sonte rikthehet në ring, përballet me boksierin portugez
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
Jeta në Austri
-
Çfarë më lejohet të bëj në ballkonin tim në Austri? Gjatë muajve të verës, mund të duket se çdo austriak jeton ekskluzivisht në ballkonet e tij...
-
Një përmbledhje e lajmeve më të fundit në Austri
-
A mund të paguani taksat tuaja austriake duke përdorur një llogari bankare të huaj?
-
Pse Austria renditet kaq keq në indeksin për lirinë e shtypit?
-
Nomadët digjitalë: Kush mund të punojë në distancë në Austri?