Aksidentohet autobusi,  11 të vdekur në aksident në autostradë në Kroaci

Autobusi me targa polake ka dalë nga rruga

Njëmbëdhjetë persona kanë vdekur në një  aksident tragjik që ka ndodhur në një autostradë në Kroaci, ku një autobus me targa polake ka dalë nga rruga, ka bërë të ditur policia kroate.

Siç raporton Dnevnik, nuk dihet ende sa persona ndodheshin në autobus, përcjell Albinfo.ch.

“Sipas informacioneve të deritanishme, në aksident trafiku kanë humbur jetën disa persona dhe një numër i madh janë lënduar rëndë. Përveç policëve të UP-së së Varazhdinit dhe UP-së së Zagrebit, disa ekipe të Institutit për Mjekësi Emergjente nga Qarku i Varazhdinit. dhe Zagrebi, si dhe disa ekipe të zjarrfikësve, janë angazhuar në vendngjarje nga të dy qarqet”, thuhet në njoftimin e policisë./Albinfo.ch/

---