Ulje për 8% e infeksioneve në javën e fundit: BAG raporton 49,757 raste të reja

Aktualisht janë 43 pacientë me Covid-19 në terapi intensive që është 7 për qind më pak në krahasim me javën e kaluar

Zyra Federale e Shëndetit Publik (BAG) ka raportuar të martën 49,757 raste të reja që kanë rezultuar pozitive me koronavirus gjatë javës së fundit.
Kjo e vendos mesataren 7-ditore në 7283 në ditë që është 8 për qind më pak se në javën e kaluar, transmeton albinfo.ch.

Incidenca 14-ditore aktualisht është 1219.13.

BAG raporton po ashtu 478 shtrime të reja në spital, mesatarja 14-ditore  e të cilave është 60 në ditë, shkruan srf.ch. 1261 persona aktualisht po trajtohen në spitale për Covid-19. Kjo është 15 për qind më shumë se në javën e kaluar.

Aktualisht janë 43 pacientë me Covid-19 në terapi intensive që është 7 për qind më pak në krahasim me javën e kaluar.

BAG raporton 32 raste të reja të vdekjeve nga Covid-19.

---