Lajme
Komuniteti Mysliman Shqiptar në Zvicër uron festën e Kurban Bajramit
Ashtu siç uji pastron rrobat dhe trupin, gjaku i kurbanit pastron mëkatet tona, si dhe dëlirëson zemrat nga egoizmi, lakmia e mendjemadhësia
Të nderuar vëllezër e motra!
Komuniteti Mysliman Shqiptar në Zvicër (KMSHZ) njofton të gjithë xhematet dhe besimtarët myslimanë shqiptarë që jetojnë dhe veprojnë në Zvicër se dita e parë e Kurban-Bajramit është nesër, më 9 korrik 2022, e shtunë.
Të respektuar besimtarë!
Gjendemi në ditët më të mira të vitit, në prag të festës së madhe që karakterizohet me dy adhurimet e veçanta: Haxhi dhe therja e kurbanëve.
Simbolika e haxhit dhe e veprimeve të tij në traditën islame është shumë e rëndësishme. Haxhi si ibadet kulmon me mesazhe kuptimplote dhe paraqet fazën e pjekurisë imanore të njeriut besimtar. Ky adhurim, gjithashtu, paraqet rrugëtimin jetësor të besimtarit dhe besimtares, nga lindja deri në vdekje. Zoti e caktoi si obligim vetëm njëherë në jetë, duke e krahasuar atë me vetë jetën, e cila kalohet vetëm njëherë në këtë botë.
Po ashtu, edhe kurbanët që sakrifikojmë për hir të Zotit kanë mësimin dhe porosinë e tyre. Ashtu siç uji pastron rrobat dhe trupin, gjaku i kurbanit pastron mëkatet tona, si dhe dëlirëson zemrat nga egoizmi, lakmia e mendjemadhësia. Sot, në kohë krizash të reja globale, nevoja është shumë e madhe të tregohemi zemërgjerë, bujarë dhe afrues me njerëzit, me më të afërmit tanë, sidomos me skamnorët, bonjakët, familjet e dëshmorëve dhe me të gjithë shtresat e tjera që kanë nevojë për mbështetje dhe përkujdesje.
Të nderuar vëllezër e motra!
Në emrin tim personal dhe në emër të KMSHZ-së ju shpreh urimet më të përzemërta të gjithë pjesëtarëve të komunitetit tonë shqiptar mysliman në Zvicër, të gjithë bashkëkombësve tanë kudo në diasporë dhe në vendet tona të origjinës si dhe të gjithë pjesëtarëve të besimit islam në tërë botën.
Zoti e bekoftë popullin tonë kudo që gjendet! Gëzuar festën e Kurban-Bajramit!
Mehas Alija
Kryetar i KMSHZ-së
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Pianistja shqiptare mban koncert recital në Washington DC
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja