Lufta në Ukrainë, ngriten shqetësime për situatën e sigurisë në Bosnjë dhe Kosovë

Ambasadorja e Francës në Kombet e Bashkuara, Nathalie Estival-Broadhurst, ka ngritur shqetësimin për krizën e vazhdueshme politike në Bosnjë e Hercegovinë që nga vera e kaluar.

Sipas saj, një krizë e tillë rrezikon arritjen pothuajse 30-vjeçare të ndërtimit të institucioneve dhe reformave në Bosnjë e Hercegovinë.

Ambasadorja francize ka përmendur edhe Kosovën, duke thënë se Bashkimi Evropian ndihmon në reduktimin e tensioneve në mes të Kosovës dhe Serbisë përmes misionit të EULEX-it, përcjell Albinfo.ch.

Broadhust tutje ka thënë se me luftën e paprecedentë që Rusia ka nisur në Ukrainë, Franca nuk do të ndalë përpjekjet për të punuar për stabilitetin e Evropës dhe në mënyrë të veçantë të Ballkanit.

“Meqë kontinenti evropian përballet me një sfidë të paprecedentë që vjen nga lufta e Rusisë në Ukrainë, ne nuk do të kursejmë asnjë përpjekje për të punuar për stabilitetin në Evropë, veçanërisht në Ballkan”, theksoi ndër të tjera ambasadorja Broadhurst në Këshillin e Sigurimit.