Osmani për CNN: Rusia po e destabilizon Ballkanin përmes Serbisë

Presidentja e Kosovës tha se paqja në Evropë është e pamundur pa përfshirjen e Ballkanit Perëndimor në BE.

Presidentja e Kosovës, Vjosa Osmani, ka deklaruar për CNN se konflikti në Ukrainë mund të shtrihet dhe në pjesë të tjera të botës, përfshirë Evropën.

Gjatë intervistës me gazetaren e njohur, Christiane Amanpour, ajo e krahasoi luftën në Ukrainë me atë që ka ndodhur në Kosovë më 1999.

“Imazhet që vijnë nga Ukraina, të njerëzve të pafajshëm, më kujtojnë atë që ne kemi kaluar”, tha Osmani.

Sipas Osmanit, Rusia po mundohet të destabilizojë Ballkanin përmes Serbisë, duke e quajtur ‘satelit të saj’.

“Serbia vazhdon t’i shohë vendet e Ballkanit Perëndimor si ‘vende të përkohshme’”, tha Osmani. “Ne jemi këtu për të qëndruar të pavarur, sovran dhe komb me demokraci të gjallë”, shtoi ajo, përcjell Albinfo.ch.

Osmani foli edhe për krimet serbe të kryera gjatë luftës në Kosovë, krimet në fshatin Poklek, ku tha se ka qenë së fundmi.

Po ashtu përmendi djegien e fëmijëve të gjallë në një shtëpi të këtij fshati në vitet e luftës.

VIDEO:

https://fb.watch/cocdtWyefQ/

---