Alain Giresse e ka publikuar listën e futbollistëve për dy ndeshjet miqësore të këtij muaji

Përzgjedhësi i Kombëtares së Kosovës, Alain Giresse, e ka publikuar listën e futbollistëve për dy ndeshjet miqësore të këtij muaji, kundër Burkina Fasos, më 24 mars, në stadiumin “Fadil Vokrri” dhe kundër Zvicrës, më 29 mars, në Cyrih.

Trajneri francez më 21 mars do të paraqitet në konferencë për media në orën 11:00 në hotel “Emerald”, derisa stërvitja e parë do të mbahet më 22 mars në stadiumin “Fadil Vokrri”, në orën 16:00, përcjell albinfo.ch.

Nga ana tjetër, përfaqësuesja e Zvicrës ka publikuar listën për ndeshjet e muajit mars. Helvetikët do t’i zhvillojnë dy sfida miqësore, më 26 dhe më 29 mars, njërën në udhëtim dhe tjetrën në shtëpi.

Vlen të theksohet se sfidën e parë zviceranët do ta zhvillojnë në Wembley ku përballen me Anglinë, derisa tri ditë më vonë në Letzigrund stadium të Zurichut, presin përfaqësuesen e Kosovës.

Trajneri i Zvicrës, Murat Yakin, tanimë ka publikuar edhe listën me 25 futbollistë të ftuar për këto dy sfida.

Në listë janë edhe tre futbollistët shqiptarë nga Kosova, Granit Xhaka si kapiten, Xherdan Shaqiri dhe Andi Zeqiri.