Vdes në moshën 82-vjeçare shkencëtari shqiptar, Rifat Gjota

Shkencëtari dhe pedagogu i njohur Rifat Gjota ka ndërruar jetë sot në moshën 82-vjeçare, njofton Albinfo.ch.

Familjarë të tij kanë bërë të ditur për mediat se i ndjeri nuk arriti t’i mbijetonte sulmit në tru.

I ndjeri Gjota kishte një jetë të pasur në aspektin shkencor, duke qenë zbulues shqiptar, shkencëtar dhe pedagog.

Ai punoi për më shumë se 20 vjet në zbulimin e elektromotorit me veti shumë më të përparuara se ai i gjertanishëm, i cili kursen energjinë elektrike në përqindje të konsiderueshme, sikurse edhe sasinë e bakrit të nevojshëm për ndërtimin e tij.

Zbulimet e veta i regjistroi në Amerikë me emrin “US Patent 4710661 – Winding arrangement of a stator and/or rotor of a three-phase generator or electromotor ëith improved performances”, kurse mënyra e ndërtimit të këtyre elektromotorëve quhet “rifatizim”, pra në bazë të emrit të tij.