Lajme
Ministrat e BE-së kërkojnë mbrojtje të punëtorëve të paguar pak
Ministrat evropianë të Punës, janë pajtuar më 6 dhjetor, rreth masave që do të mbrojnë nivelin e pagave në Evropë dhe u japin punëtorëve më shumë të drejta për të kundërshtuar pagat e ulëta.
Ndonëse propozimet nuk përcaktojnë pagën minimale në nivel të Bashkimit Evropian, në momentin kur ligji hynë në fuqi do të paraqesë hap të rëndësishëm në promovimin e modelit social evropian, sidomos në shtetet e Evropës Lindore ku pagat janë të ulëta.
Shtetet anëtare të BE-së shistorikisht ishin të ndara rreth kësaj çështjeje sepse sistemi kombëtar i pagës dhe paga minimale dallojnë nga shteti në shtet, nga 312 euro në muaj në Bullgari dhe 2,142 euro në Luksemburg, bazuar në të dhënat e publikuara vitin e shkuar.
Disa shtete nordike posaqerisht janë kundër çfarëdo ndryshimi në sistemin e pagave meqë kompanitë negociojnë pagën direkt me sindikatat, pa ndërhyrjen e shtetit.
“Puna duhet të paguhet. Nuk mund të pranojmë që njerëzit të cilët japin gjithë energjinë e tyre për punë të jetojnë në varfëri dhe nuk mund t’i ofrojnë vetës standard të dinjitetshëm të jetesës”, tha Janez Cigler Kral, ministër slloven i Punës, shkruan Rel.
Kështu shtetet e BE-së me sistemin e pagës minimale detyrohen të garantojnë që niveli i pagës të përditësohet në mënyrë të rregullt e të drejtë.
Një burim nga Bashkimi Evropian tha se kompromisi i arritur është i brishtë dhe negociatorët do të jenë nën presion të mos i japin Parlamentit Evropian bazë për miratimin e këtij ligji.
Franca merr presidencën e BE-së nga 1 janari derisa dakordimi mes shteteve anëtare për nivelizim të pagave do të jetë prioritet i mandatit të saj gjashtëmuajsh.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja