Tensione mes Francës e Britanisë për emigrantët

Në kampin ku kanë qëndruar 27 personat që pak ditë më parë u mbytën në kanalin e La Manshit janë të vështira.

Që prej 2018-s, numri i njerëzve që përpiqen të kalojnë kanalin me varka të vogla është rritur ndjeshëm.

Ahmad Waqar dëshiron të shkojë në Londër, ku jeton vëllai i tij, transmeton Euronews, përcjell Albinfo.ch.

“Sekseri më tha se për tri ditë do ta kaloja Kanalin, por ai më gënjeu dhe vijon të gënjejë. Ai merr paratë dhe ikën. U ka marrë para 150 personave, që kanë dhënë 3 mijë euro secili”, shprehet emigranti afgan.

Ndërkohë, tensionet mes Britanisë dhe Francës mbeten të larta.

Një takim mes ministrave të brendshëm të Gjermanisë, Holandës dhe Belgjikës do të mbahet në Kale’, ku do të jetë i pranishëm edhe përfaqësuesi i KE-së, por pa Britaninë.

“Ky është një problem afatgjatë. Sa do të mund të qëndrojnë në det këto patrulla? Ditë, javë, apo muaj? Ky është një problem i vazhdueshëm që kërkon një zgjidhje afatgjatë”, tha Kay Marsh, koordinatore për mbështetjen e emigrantëve.

Rastet e shpëtimit ndërkohë janë dyfishuar që prej gushtit dhe që prej janarit të këtij viti, mbi 31 mijë emigrantë u përpoqën të arrinin Britaninë, me thuajse 8 mijë prej tyre që u shpëtuan në mes të detit.

 

---