Kosovë: Konfiskohen 2 mijë monedha të metalta false

Policia e Kosovës ka konfiskuar 2259 monedha të metalta prej 2 eurosh, si dhe 84 të tjera prej 1 eurosh, para këto që dyshohet të jenë të falsifikuara.

“Nga një institucion është njoftuar për monedha të metalta të falsifikuara, njësitë relevante policore kanë dalë në vendin e ngjarjes dhe kanë sekuestruar rreth 2259×2 € dhe 84×1 € monedha të metalta, të cilat dyshohet se janë të falsifikuara”, njoftoj policia. Lidhur me rastin është njoftuar prokurori dhe rasti është duke u hetuar”, njofton Policia e Kosovës, transmeton Albinfo.ch.