Lajme
Vaksina Pfizer, 93% efektive tek adoleshentët
Bëhet e ditur se vaksina Pfizer/BioNTech është 93% efektive në parandalimin e shtrimit në spital tek fëmijët e moshës 12 deri në 18 vjeç, sipas një studimi të Qendrave Amerikane për Kontrollin dhe Parandalimin e Sëmundjeve, shkruan CNN, përcjell albinfo.ch.
Vaksina ka treguar 91% efektivitet për fëmijët e moshës 12 deri në 15 vjeç dhe 94% efektivitet për grupmoshat 16 deri në 18 vjeç.
Studimi përfshiu 464 pacientë-179 të shtruar për shkak të Covid dhe 285 të shtruar për arsye të tjera-në 19 spitale pediatrike në 16 shtete midis qershorit dhe shtatorit 2021, një periudhë kohore kur varianti Delta ishte dominues.
Shumica e pacientëve (72%) kishin të paktën një sëmundje ekzistuese. Pacientët konsideroheshin plotësisht të vaksinuar kundër Covid-19 nëse kishin marrë dozën e dytë të vaksinës Pfizer/BioNTech para 14 ditësh.
Ata pjesërisht të vaksinuar – me vetëm një dozë ose me më pak se 14 ditë që nga doza e dytë – u përjashtuan nga analiza. Ndër 179 pacientët e shtruar në spital me Covid-19 në studim, 97% ishin të pavaksinuar. Të gjithë pacientët me sëmundje kritike nuk ishin të vaksinuar, përfshirë rreth 43% (77 pacientë) u shtruan në njësinë e kujdesit intensiv, 29 kishin nevojë për intubim dhe dy humbën jetën, raporton abcnews.al.
Që nga gushti i 2020, më shumë se 65,000 fëmijë janë shtruar në spital me Covid-19 dhe gati 700 kanë vdekur, sipas të dhënave të CDC. Të dhënat e provave klinike nga Pfizer/BioNTech zbuluan se vaksina ishte 100% efektive kundër shtrimit në spital te fëmijët e moshës 12 deri në 15 vjeç, dhe kjo analizë e botës reale gjithashtu zbuloi se vaksinimi ishte shumë efektiv në zvogëlimin e rrezikut të shtrimit në spital te personat e moshës 12 deri në 18 vjeç.
Aktualisht, 46% e fëmijëve të moshës 12 deri në 15 vjeç dhe 54% e moshës 16 deri në 17 vjeç janë vaksinuar plotësisht, sipas të dhënave të CDC. “Këto gjetje përforcojnë rëndësinë e vaksinimit për të mbrojtur të rinjtë amerikanë kundër COVID-19”, sipas autorëve të studimit.
“Këto të dhëna sugjerojnë se rritja e fushatës së vaksinimit te këto grupe mund të zvogëlojë incidencën e COVID-19 në Shtetet e Bashkuara. Për më tepër, me hapjen e shkollave, masat parandaluese, përfshirë vaksinimin, janë të domosdoshme.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Austri
-
A do të kufizojë Hallstatt i Austrisë turizmin këtë sezon? Një nga fshatrat më të bukur dhe më të mbushur me njerëz të Austrisë po kërkon...
-
Planifikonte sulm në Graz të Austrisë, arrestohet 14-vjeçarja me origjinë nga Mali i Zi
-
A duhet të kryejnë shërbimin e detyrueshëm ushtarak të Austrisë personat me shtetësi të dyfishtë?
-
Rreth 350 biznese nga diaspora dhe Kosova u mblodhen në Prishtinë
-
Si po e ndryshon motin në Austri ngrohja globale?