Kosova
Merkel ia bën të qartë Vuçiqit: Pa njohjen e Kosovës, nuk ka anëtarësim në BE
Çështja e Kosovës nuk do të zhduket dhe ajo duhet të zgjidhet para se të hapet një proces tjetër. Ka qenë ky mesazhi që ka përcjellë pasditen e së hënës në Beograd kancelarja gjermane, Angela Merkel.
Duke iu përgjigjur interesit të mediave, Merkel u shpreh e vetëdijshme që çështje të tilla kërkojnë kohën e tyre për t’u zgjidhur.
“Çështja e Kosovës duhet të zgjidhet, në mënyrë që të zgjidhet dhe aksesi i anëtarësimit në BE”, tha Merkel në konferencën për shtyp përkrah presidentit serb, Aleksandar Vuqiç, transmeton Euronews, përcjell Albinfo.ch.
Ajo shtoi se shpreson që palët e interesuara të arrijnë progres në raundet e ardhshme të dialogut.
Nga ana e tij, Vuqiç deklaroi se është i vetëdijshëm se kushti për t’u bashkuar me BE-në është zgjidhja e marrëdhënieve me Prishtinën.
“Nëse pyetja është a e dimë që nuk do të hyjmë në BE pa zgjidhur më parë çështjen e Kosovës, atëherë mund të them se kjo është plotësisht e qartë”, tha Vuçiq.
Ai nënvizoi se Serbia është e gatshme të diskutojë çdo zgjidhje të negociuar me Prishtinën, por më parë, sipas tij, palët duhet të bien dakord që mes tyre të ketë një lëvizje të lirë të mallrave, shërbimeve, parave dhe njerëzve.
Më tej, duke folur në tërësi për Ballkanin, Merkel tha se rajoni ka një rrugë të gjatë për të arritur anëtarësimin në radhët e Unionit, por theksoi se është qëllim i Gjermanisë dhe interes strategjik i Evropës që ky qëllim të arrihet.
E-Diaspora
-
Osmani: Mërgata, urë lidhëse mes Kosovës e Zvicrës Presidentja e Kosovës, Vjosa Osmani, ka pritur në takim ndihmës sekretaren e shtetit dhe shefen e...
-
Floriani 10 vjeçar bën selfie me Xhakën, i kushtoi babait të tij 2600 franga
-
Detaje nga rasti kur një shtetas nga Kosova vrau pronarin e biznesit në Dyseldorf
-
Arnold “The Cobra” Gjergjaj triumfon në luftën e fundit
-
Nju-Jork: Baleti Kombëtar i Kosovës me dy shfaqje
Jeta në Austri
-
Austri: Përmbledhje e lajmeve të fundit të ditës së sotme Innsbruck me kryebashkiak të ri, SPÖ e qendrës së majtë zbulon planin për të financuar propozimin...
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja