Vitamina A, e pranishme në këto ushqime

Vitamina A është e pranishme në shumë ushqime të përditshme.

Speci i kuq

Speci i kuq është një burim i shkëlqyer i vitaminës A. Duhet ngrënë gjysmë filxhani spec të kuq për ta plotësuar sasinë e rekomanduar ditore të kësaj vitamine.

Spinaqi

Ekzistojnë dy lloje të vitaminës A. Vitamina A nga mishi, peshku dhe produktet e qumështit, vjen në organizëm e gatshme për përdorim, ndërsa provitaminën A nga frutat dhe perimet, si spinaqi, trupi duhet ta procedojë vetë.

Mëlçia e viçit

Mëlçia e viçit është e mbushur me vitaminën A, e cila ndikon favorshëm në sistemin imunitar. Ajo i stimulon qelizat që ta bëjnë punën e tyre në mbrojtje nga infeksionet dhe ndihmon në krijimin e antitrupave të cilat luftojnë kundër çdo kërcënimi shëndetësor.

Patatet e ëmbla

Ky ushqim është një burim i pasur me vitaminë A. Një patate e ëmbël e pjekur e jep më shumë se 500% të dozës së rekomanduar ditore të kësaj vitamine.

Akullorja

Çfarë tingëllon më mirë? Një filxhan me akullore apo 20 konserva me ton? E besoni apo jo, të dyja versionet e kanë të njëjtën sasi të vitaminës A (rreth 20% të dozës së rekomanduar ditore), transmeton Koha.net. Megjithatë, vetëm 25 toptha të akullores mund të barazohen me një patate të ëmbël për sa i përket sasisë së vitaminës A.

Kungulli

Vitamina A i ndihmon zemrën, mushkëritë dhe veshkat në kryerjen e funksioneve të tyre. Nëse doni diçka të ëmbël, bëjeni një ëmbëlsirë nga kungulli. Përveç kësaj, kungulli është i pasur me beta karotenë dhe antioksidantë.

Karrota

Vitamina A e ruan shëndetin e syve. Vetëm gjysmë filxhan karota të papërpunuara do ta kompensojnë dozën e rekomanduar ditore të vitaminës A.

Nëse e konsideroni të pamundur që të fusni në organizëm mjaft vitaminë A përmes ushqimeve, atëherë kërkoni suplemente të caktuara ushqimore. Para përdorimit konsultohuni me mjekun.

---