KQZ lejon regjistrimin dhe votimin me letërnjoftime të skaduara

Komisioni Qendror i Zgjedhjeve, me shumicë votash, mori vendim që të pranohen për identifikim të votuesve edhe letërnjoftimet e Republikës së Kosovës, të cilave u ka skaduar afati.

Ky vendim i KQZ-së vlen edhe për procesin e regjistrimit të votuesve jashtë Kosovës, por edhe për identifikimin e votuesve në ditën e zgjedhjeve më 17 tetor dhe në rundin e dytë të zgjedhjeve për kryetarë të komunave.

Ky vendim i KQZ-së vjen duke u mbështetur në vendimin e ministrit të Punëve të Brendshme për zgjatjen për 6 muaj të afatit të përdorimit të letërnjoftimeve për shtetasit e Republikës së Kosovës.