Kosovë: KFOR-i ndihmon Policinë dhe FSK-në në shuarjen e zjarreve

Policia e Kosovës, KFOR dhe FSK angazhohen për shuarjen e zjarreve në malet e Kosovës

Policia e Kosovës, KFOR dhe FSK angazhohen për shuarjen e zjarreve në malet e Kosovës.

Ministri i Punëve të Brendshme, Xhelal Sveçla, ka dhënë detaje për situatën pas zjarreve që kanē përfshirë fshatin Shtupeq në Rugovë.

Ai siguroi se Ministria e Brendshme ka aktivizuar strukturat e saj dhe ka ndërmarrë veprime në koordinim të kësaj situate.

“Njësitë e zjarrfikësve nga rajoni i Pejës dhe Gjakovës janë angazhuar me kapacitet të plotë në shuarje të zjarrit. Njëherit, në shuarje të zjarrit është angazhuar edhe Policia e Kosovës, me njësi të saj të veçanta si dhe Forca e Sigurisë së Kosovës”, ka shkruar Sveçla.

“Gjendja e vatrave të zjarrit është  lokalizuar dhe po punohet pandërprerë në vënien nën kontroll dhe shuarjen e plotë të zjarrit si nga zjarrëfikësit, FSK-ja dhe KFOR-i, të cilët janë plotësisht të përkushtuar të përfundojnë me sukses këtë intervenim. Qytetarët dhe prona e tyre, deri në këto momente, janë të sigurta dhe nuk ka nevojë për asnjë shqetësim”, theksoi ai, përcjell Albinfo.ch.

---