Lajme
Biden e pret Merkelin në Shtëpinë e Bardhë
Sot, presidenti amerikan, Joe Biden, do të mirëpresë kancelaren gjermane, Angela Merkel në Shtëpinë e Bardhë në atë që pritet të jetë vizita e saj e fundit si kancelare.
Theksohet se pas disa muajsh Merkel nuk do të jetë më në krye të Gjermanisë.
Thuhet se vizita e saj vjen dy muaj para zgjedhjeve parlamentare në Gjermani, të cilat do të ndryshojnë udhëheqësinë në Gjermani, për herë të parë nga viti 2005.
Takimi në Uashington pritet të vë në pah vazhdimësinë dhe stabilitetin e marrëdhënieve mes Gjermanisë dhe SHBA-së, si dhe konfirmohet ndryshimi i qasjes nën administratën e presidentit Biden, i cili është zotuar se të krijojë unitet me aleatët tradicionalë të SHBA-së, për dallim nga diplomacia e ish-presidentit amerikan, Donald Trump.
Biden është takuar me Merkelin gjatë punimeve të Samitit të shtatë vendeve më të industralizuara (G7), të mbajtur muajin e kaluar në Angli.
Biden ka thënë më pas se nga liderët evropianë, kancelaren gjermane e admiron më shumë.
Ai po ashtu ka thënë përmes një postimi në Twitter se lidhjet në mes të SHBA-së dhe Gjermanisë “janë më të fuqishme se kurrë”, duke shtuar se është i gëzuar që pret atë në Shtëpi të Bardhë “për të vazhduar punën”, transmeton REL.
Në takimin e 15 korrikut, dy politikanët veteranë pritet të diskutojnë pandeminë e koronavirusit, për Kinën dhe për projektin e gazsjellësit Rrjedha Veriore 2, i cili bart gazin natyror nga Rusia në Gjermani.
Projekti i gazsjellësit, në vlerë të 11 miliardë dollarëve, është kundërshtuar nga SHBA-ja.
Uashingtoni beson se ai kërcënon sigurinë e energjisë evropiane.
Biden ka dhënë shenja në muajin maj, se është i gatshëm të lë mbrapa këtë çështje, duke hequr disa sanksione kundër subjekteve gjermane të përfshira në projekt, me arsyetimin se, meqë puna në gazsjellës gati ka përfunduar, sanksionet do të dëmtonin vetëm aleatët evropianë.
Merkel, në anën tjetër, ka thënë se projekti nënkupton vetëm bërje të biznesit me Rusinë, dhe projekti është çështje e sovranitetit kombëtar.
E-Diaspora
-
Nju-Jork: Baleti Kombëtar i Kosovës me dy shfaqje Bëhet e ditur se Baleti Kombëtar i Kosovës, do të realizojë edhe një paraqitje tjetër të...
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
-
BQK: Mbi 112 milionë euro i sollën mërgimtarët në Kosovë vetëm gjatë marsit
Jeta në Austri
-
Katër liqene të bukura, tek të cilat mund të shkoni lehtësisht nga Vjena me transport publik Pranvera është këtu dhe vera është rrugës. Është koha e përsosur e vitit për të vizituar...
-
Sa vite duhet të punoni në Austri që të keni të drejtën e pensionit?
-
Austrian Airlines arrin marrëveshje pagash me punëtorët për të shmangur grevat e reja
-
Katër gjëra që duhet të dini para se të regjistroni fëmijën tuaj në një kopsht fëmijësh në Vjenë
-
A mund të marr përfitime papunësie në Austri nëse jam i vetëpunësuar?