Vazhdon trendi i shtimit të rasteve në Zvicër: 274 infeksione të reja

Nuk raportohet asnjë rast i ri ivdekjes. BAG raporton 95 persona që po trajtohen në spitale për Covid-19. Kjo është 31 për qind më pak se në javën e kaluar

Zyra Federale e Shëndetit Publik ka raportuar 274 raste të reja pozitive me koronavirus, që kanë ndodhur në 24 orët e fundit.

Mesatarja e 7 ditëve të fundit është 147 ose 38 përqind më shumë se në javën e kaluar. Me trendin aktual, mesatarja 7-ditore e infeksioneve të reja dyfishohet afërsisht çdo 15 ditë, raporton srf.ch. Incidenca 14-ditore aktualisht është 21:13.

Shkalla mesatare pozitive 7 ditore aktualisht është 0.8 për qind, transmeton albinmfo.ch. Krahasuar me javën e kaluar, norma pozitive ka mbetur e njëjtë. Numri i testimeve të bëra gjatë 7 ditëve të fundit është 22,995 teste në ditë dhe kështu është rritur për 21 për qind krahasuar me javën e mëparshme.

BAG nuk raporton asnjë rast të ri vdekjeje.

Aktualisht BAG raporton 95 persona që po trajtohen në spitale për Covid-19. Kjo është 31 për qind më pak se në javën e kaluar. Shtretërit e kujdesit intensiv në spitalet zvicerane (përfshirë shtretërit ad hoc) janë aktualisht të shfrytëzuara në masën 66 për qind.

---