Shqipëria

Shqipëri: Rriten për tre herë eksportet drejt Zvicrës

E hënë, 3 Maj 2021 - 21:19 albinfo.ch

Eksportet shqiptare drejt Zvicrës u rritën mbi tre herë gjatë tremujorit të parë të këtij viti, krahasuar me të njëjtën periudhë të një viti më parë.

Referuar të dhënave të publikuara në raportin mbi tregtinë e jashtme gjatë periudhës janar-mars eksportet shqiptare llogariten në 642 milionë lekë, nga 189 milionë lekë që ishin në tremujorin e parë të 2020-ës, transmeton Atsh, përcjell Albinfo.ch.

Ndryshe nga eksportet, importet shënuan rënie gjatë periudhës. Nga 3.3 miliardë lekë mallra që u importuan në tremujorin e parë të 2020-ës, në periudhën janar-mars të këtij viti u importuan 2.9 miliardë lekë.

Shqipëria eksporton më së shumti në Zvicër prodhime bujqësore, materiale ndërtimi dhe metale.