Kuriozitete për vaksinat, nga vijnë dhe ku shkojnë

SHBA-ja ka administruar gjithashtu dozat më të shumta deri më tani, me 23% të totalit global

Bota kaloi një fazë shumë të rëndësishme të vaksinës së koronavirusit gjatë kësaj jave: janë prodhuar mbi 1 miliard doza.

“Prodhimi vazhdon me ritme të larta. Ndërsa u deshën disa muaj për të arritur në një miliard doza, ne do të arrijmë dy miliardë deri në fund të majit”, sipas të dhënave nga Airfinity, një kompani e informacionit dhe analizave shkencore. 

Kina është prodhuesi më i madh dhe eksportuesi më i madh, veçanërisht tani që India po frenon eksportet për të luftuar një valë të dytë të ashpër të këtij virusi. 

Rusia, Zvicra, Koreja e Jugut, Brazili dhe Afrika e Jugut po prodhojnë doza, por nuk janë në top 5 vendet e para, transmeton Monitor, përcjell albinfo.ch. 

SHBA-ja ka mbajtur pothuajse të gjithë rezervën e saj për përdorim të brendshëm, por pret që të bëhet një eksportues kryesor pasi të plotësohen nevojat e brendshme. 

SHBA-ja ka administruar gjithashtu dozat më të shumta deri më tani, me 23% të totalit global, sipas “Our World in Data”.  

Sipas shifrave 21% e të gjitha vaksinave kanë ardhur në Kinë, 14% në Indi, 5% në Mbretërinë e Bashkuar dhe 4% në Brazil. Kontinenti i Afrikës ka administruar vetëm 1.6% të totalit. 

 

---