Shqipëri: Bie numri i infeksioneve me Covid-19

Ministria e Shëndetësisë në Shqipëri thotë se pavarësisht përpjekjeve të mjekëve, 15 pacientë të prekur me Covid-19 kanë ndërruar jetë, ndërsa nga 3001 teste të bëra, 543 prej tyre janë konfirmuar pozitivë.

Aktualisht në spitalet Covid në Tiranë dhe në tri spitalet rajonale po marrin trajtim mjekësor 485 pacientë, 32 në terapi intensive, nga të cilët nëntë pacientë janë të intubuar, transmeton Euronews, përcjell Albinfo.ch.

Pacientët, të cilat humbën jetën nga koronavirusi janë të moshave nga 34- 82 vjeç. Qarku më i prekur në Shqipëri është ai i Tiranës, i cili kryeson si për numrin e fataliteteve, ashtu edhe për numrin e infektimeve.

Shqipëria që nga fillimi i epidemisë numëron 2060 humbje jete, kurse numri i të prekurve ka shkuar në mbi 118 mijë. Autoritetet shëndetësore kërkojnë nga qytetarët të mos neglizhojnë asnjë shenjë të ngjashme me ato të Covid-19 dhe të respektojnë masat.