Policia jep detajet për arrestimin e zyrtarëve të Këshillit Prokurorial

Policia e Kosovës ka dhënë sot detaje për arrestimin e zyrtarëve të Këshillit Prokurorial të Kosovës.

Policia bëri të ditur se të arrestuarit janë një mashkull dhe një femër, të cilët dyshohen për keqpërdorim të pozitës apo autoritetit zyrtar, shkruajnë mendiat vendore, përcjell Albinfo.ch.

Në raportin policor bëhet e ditur se të dyshuarit janë dërguar në mbajtje.

Ndryshe, një ditë më parë është arrestuar drejtori i Sekretariatit të Këshillit Prokurorial, Lavdim Krasniqi dhe një zyrtare.

Krasniqi është arrestuar për rastin e subvencioneve në Ministrinë e Bujqësisë.

Ditë më parë Policia e Kosovës ka zhvilluar aksione në disa qytete në Kosovë, ku me dyshimin për keqpërdorime në subvencione në Ministrinë e Bujqësisë ka arrestuar mbi 20 persona.

Aksionet ishin realizuar në Prishtinë, Istog, Lipjan, Podujevë, Gjilan.