Kosova
‘Shija e Kosovës Online’ sjell produktet e veçanta të bizneseve vendore
Prishtinë, 22 shkurt 2021 – Është lansuar këtë muaj platforma ‘Shija e Kosovës Online’, që funksionon si një kanal i ri i shitjeve dhe promovimit të bizneseve vendore që ofrojnë produkte ushqimore finale, të gjitha me përbërës natyralë dhe të freskët, shkruan albinfo.ch.
Lista e prodhimeve vendore në ‘Shija e Kosoves Online’ https://gjirafamall.com/ofertat/ppseshpalos produkte si: ajvar, xhem, mjaltë, turshi, bimë mjekësore, produkte bimore, çajëra apo mëlmesa, si dhe lëngje dhe ëmbëlsira. Përveç lehtësisë për të kontrolluar gamën e shumëllojshme të produkteve në dispozicion, platforma ka të integruar edhe transportin brenda Kosovës, deri në shtëpinë e konsumatorit, duke e bërë blerjen më të lehtë dhe me më pak ndalesa.
Platforma ‘Shija e Kosovës Online’ është rezultat i bashkëpunimit midis GjirafaMall dhe Agjencisë Zvicerane për Zhvillim dhe Bashkëpunim, përmes projektit Promovimi i Punësimit në Sektorin Privat (PPSE) në kuadër të mbështetjes së platformave të shitjes dhe reklamimit online me metodat më të avancuara të marketingut digjital të produkteve vendore.
“Partneriteti për platformën ‘Shija e Kosovës Online’ synon të krijojë një kanal të shitjeve shtesë për prodhuesit vendorë dhe të rrisë shitjet e tyre. Kjo ndikon në krijimin e më shumë vendeve të punës në sektorin prodhues, si dhe në rritjen e të ardhurave”, thotë Donika Gashi nga projekti PPSE, që implementohet nga Swisscontact. Qëllimi kryesor i këtij projekti është të përkrahë punësimin e qëndrueshëm dhe fitimprurës më sektorin privat në Kosovë.
Duke blerë online produkte vendore në GjirafaMall, mbështeten prodhuesit vendorë dhe bizneset e tyre, promovohet ushqimi natyral dhe i freskët, por gjithashtu thjeshtohet blerja për konsumatorët, të cilët gjithmonë e më shumë po orientohen drejt blerjeve online. Të gjithë prodhuesit e produkteve ushqimore në Kosovë që janë të interesuar për të pasur praninë e tyre në platformën ‘Shija e Kosovës Online’ janë të mirëpritur.
Të tjera nga Kosova
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Austri
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
A do të zhvendoset nga burgu austriaku Fritzl që u dënua me burgim të përjetshëm për dhunimin e të bijës?
-
Austri: Përmbledhje e lajmeve të fundit të ditës së sotme
-
Gjithçka që ndryshon në Austri nga muaji maj
-
Katër liqene të bukura, tek të cilat mund të shkoni lehtësisht nga Vjena me transport publik